तेन्जिन लामा शेर्पा शमथ (Shamatha) र विपश्यना (Vipassana), बौद्ध ध्यान, दर्शन तथा उसुई रेकि (Usui Reiki) का शिक्षक हुनुहुन्छ। उहाँ अमेरिकास्थित विभिन्न आध्यात्मिक संस्थाहरूमा सल्लाहकार तथा सदस्यका रूपमा समेत सेवा गर्दै आउनुभएको छ।

१३ वर्षको उमेरमा नै दीक्षित हुनुभएका तेन्जिन लामा शेर्पाले सानैदेखि दक्षिण भारतको मैसुरस्थित तिब्बती बौद्ध गुम्बा नामद्रोलिङ (Namdroling Monastery) मा अध्ययन गर्नुभएको हो। आफ्नो लामो मठीय जीवनभर उहाँले निङ्मापा परम्पराका महान् लामाहरूबाट अनगिन्ती दार्शनिक शिक्षा, धर्मोपदेश, ट्रान्समिसन तथा दीक्षा प्राप्त गर्नुभएको छ।

उहाँका मूल गुरु (Root Masters) मा परमपूज्य पेनोर रिन्पोछे (H.H. Penor Rinpoche), खेन् रिन्पोछे साङ्गे राङजुङ शेर्पा (Khen Rinpoche Sangey Rangjung Sherpa) तथा रेकि ग्रान्ड मास्टर लामा ङवाङ रिग्जिन (Reiki Grand Master Lama Ngawang Rigzin) रहनुभएको छ।

तेन्जिन लामा शेर्पाले थेरवाद तथा महायान बौद्ध धर्मसहित विभिन्न बौद्ध सूत्रहरूको अध्ययन गर्नुभएको छ। उहाँले नेपाल, भारत, चिली, मेक्सिको तथा अमेरिकाका विभिन्न स्थानहरूमा शिक्षा तथा ध्यान सम्बन्धी प्रशिक्षण प्रदान गर्नुभएको छ।

मठीय जीवनमा रहँदा उहाँले धर्मोपदेश दिनुका साथै बिरामी भिक्षुहरूको सेवा तथा हेरचाह गर्ने महत्वपूर्ण जिम्मेवारी पनि निर्वाह गर्नुभएको थियो।

कोभिडको भयावह अवस्था मा सम्पुर्ण रेकि हिलरहरुलाइ स्तब्ध बनाएर तत्कालीन गुरु रेकि ग्रायन्ड मास्टर लामा ङ्वाङ रिन्जिन को स्वर्गारोहण भएको थियो जस्ले गर्दा नेपाल रेकि ध्यान केन्द्र जस्तो चरम चुलीमा पुगेको आध्यात्मिक सँस्था पनि धर्मराउन पुग्यो। स्वर्गीय गुरुको धरोहर बचाउन वहाँका समर्थक तथा चेलाहरुको अथक प्रयास बाट इ.सँ 2025 August 02 गते साधारण सभा बोलाएको तथा नयाँ समिति गठन गरिएको थियो। सो समितिले नयाँ गुरु चयन गर्न विभिन्न प्रकृयाबाट अनुमोदन गरि समर्थ, समर्पित तथा स्वर्गीय गुरुको चेला रहेका सक्षम रेकि हिलर तेन्जिन लामा शेर्पा लाइ चयन गरेको थियो।

नेपाल रेकि ध्यान केन्द्र तथा सम्पूर्ण रेकि हिलरहरु नयाँ गुरु श्री तेन्जिन लामा शेर्पा लाइ बधाइ अर्पण गर्दछ।तथा आफ्ना श्रदय गुरु स्वर्गीय लामा ङ्वाङ रिन्जिन प्रति हार्दिक श्रद्धाञ्जली अर्पण गर्दछ।

अध्यक्ष 
श्री महेश्वर लाल श्रेष्ठ 

नेपाल रेकि ध्यान केन्द्र 
थँहिती, काठमाडौं, नेपाल